अब देखि काठमाडौंबाट पोखरा जहाजमा जान जम्मा १५ सय रुपैयाँ भाडा लाग्ने

काठमाडौं – अब काठमाडौंबाट १५ सय रुपैयाँमा जहाजमै पोखरा जान सकिने भएको छ । बुद्ध र यति एयरलाइन्सले सो दरमा काठमाडौंबाट पोखरा यात्रा गराउने भएका हुन् ।

बुद्ध र यतिले पोखराको विहानको पहिलो फ्लाइटको भाडादर १५ सय रुपैयाँ तोकेका छन् । अरु समयमा काठमाडौं–पोखराको एकतर्फी भाडा ४२ सय रुपैयाँ छ । यात्रुको चाप घटेपछि दुबै कम्पनीले एक साता अघिदेखि यो भाडादर कायम गरेका हुन् ।

बुद्धको काठमाडौं–पोखराको पहिलो फ्लाइट ६:१५ बजे छ । यतिको पहिलो फ्लाइट ७:०५ बजे छ ।